Boläeń Syreś, Inäzoroś, javolävtś Atäń Ězems kočkamotneń ušodksstont́. Teń kuvalma tevkonövoś putoź-nevteź Inäzoront́ oficialoń I-vaĺmasont́.
Continue reading →Inäzoroś tejś Atäń Ězems kočkamotneń ušodomado Javolävtoma
Atäń Ězems kočkamoń jutavtomado
Ěrzäraśkeń kočkavicä kurotneń teemadost-važodemadost kojluvont́ 36, 40, 41, 42 sörmadovkstněs nežedeź javolävtan melem:
- Kočkicätneneń ušodoms kojsodyjtneń lemest jovtamoń-putomań tevent́;
- Kočkicätneneń (ěrzäń politikań partijatneneń, lomańjutkoń vejsěndävkstněneń, lezěńmaksy vejsěndävkstněneń) ěrävi 10 čiń pert́ Atäń Ězement́ vasence promksonzo ikele maksoms Inäzoronteń kojsodyjks kočkavicä lomantneń lemriśment́, konata nežedi istämo luvs: 1 kojsodyj sädo lomantnestě, konat ulit́ lomańvejsěndävksont́ ějsě, teke marto lemriśment́, konant́ ějs putoź 5 taštavksso kojsodyjks kandidattně, konat kočkavit́ vejsěndävksos sovicä lomantnesě salava ěli panžado kočkamoso;
- Kočkicätneń peĺde lemeń jovtamo kemekstaź meleś (100 lomaństě 1 kandidat kvotant́ koräs) sörmadovi protokolso, kona kemekstavi promksoń vеticänt́ ked́čeĺkssě. Protokoloń parcunoś maksovi.
- Taštavks kandidattně teevit́ kandidatoks sestě, zärdo jurovt kandidatoś sajsy mekev melenzě ulems kojsodyjs kandidatoks, ěli ulit́ a iznävicä pirävkst ulems tenzě kočkamotnesě. Taštavks kandidattně sait́ kočkamosto lisicä kandidatont́ tarkanzo rejtingezěnzě koräs nežedeź, zärdo jurovt kandidatoś panžado javolävty kočkamos amolemadonzo ěli karmit́ uleme nejavicä pirävkst tenzě kočkamotnesě uleme. Zärdo panžovi Atäń Ězemeń vasence promksozo, sestě jurovt kandidatoś teevi kojsodyeks dy sestě a merevi maksnems mandatonzo ěli meleń jovtamonzo lija lomanneń.
- Kojsodyjs kandidatoń lemeń jovtamodo protokoloń suĺtävkstně kučovit́ inealtymań pargos: inyazoro@gmail.com
Inäzoroś Syreś Boläeń
Kev oš
2022-ce ień
jakšamkovoń 8-ce či
№4/2022
Lezdak vanstoms ěrzäń kelent́ – uĺt́ minek patronoks-tevsě lezdycäks
Ěrzäń kelent́ leksikazo vejkineksčiv. Ěrzäń keleś – finněń-ugrań keĺtnestě vejkeś, kona kezěreń škatnestě pačkodś tečims. Rossijań Federacijań kirdikoenzě koräs, son Mordovija Raśkemastorsont́ mastor keĺtneń jutksto – vejkeś.
Continue reading →Ěrzäń Inäzoroś javolävtś: Ěrzäń Raśkeń promksoś zärs a jutavtovi
Tede kuläś putoź Inäzoront́ oficialoń I-vaĺmasont́.
Continue reading →Promkosoń tarkas Atäń Ězement́ važodemado
Ěrzäraśkeń kočkavicä kurotneń teemadost–važodemadost Kojluvaont́ 13-ce Sörmadovksonzo koräs javolävtan melem:
- Redän-teškstan: Ěrzäń Mastoroń modatneń langso kirdevi-vanstovi raśkeń partijatneń teemado kardamoś, konatań rossijań kirdivieś javolävtyze 2001 iestěnt́;
- Ěrzäń Mastorso dy vese Rossijań Federacijasont́ politikań vetämo staka uslojtneń neeź, meĺsě kirdeź seń, kodat pansemat molit́ kirdivient́ peĺde raśkeń teveń topavtycätneń meĺga, koda kirdivieś a puty meĺs jurovt raśketneń kočkaź tevvetämoń kurost, javolävtan: Promksoń terdemaś-purnamoś, net́ kardamotneń kuvalma, zärs a topavtovi;
- Sekskak, te škastont́ saeź, Promksoń teveń veticäks karmi uleme Atäń Ězemeś;
- Promkosont́ tarkas Atäń Ězemeś karmi važodeme sems, zärs Inäzoroś od Meremasonzo a javolävty sedikele ledstäź kardamotneń – amerematneń araśčident́.
Inäzoroś Syreś Boläeń
Kiev oš
2021-ce ień
sundeŕkovoń 5-ce či
№3/2021