Aťań Ezem
AŤAŃ EZEMEN JAVOĽAVTOMA
2026 ijen ožokovoń 17 či
Erźań Mastoroń ejdetne — avoľ resurs kremľań tortingetnen turtov
Mejelce škasto, Aťań Ezementen sedstë pškalit erźań ćoratnen teťat-avatne — «srokoń terdemaś» tejevkšni vasence eskelksëks tortingenten: ušmanpelkssënt sročnikent langs ušodït lepšťamo oficertnë-komandirtnë, kedčelkstamga son kontraktońt. Min sodatano kemenkirtat isťamo tevtnede.
Moskovoś kavonzï, sročniktne, keľa, frontov a molit. Te mančema. Sročniktne ulit koda čavoztnen jutkso, isťa polons sajeztnen jutksojak.
Te ušmankonvejerëś, seke politikańt pelksëzë, konań koŕas minek modatnen langs uskit migrantnën, pekstït minek ormamenksën kudotnen, tonavtolmatnen.
Federaloń centranten eŕavit ušmant nacionalen respublikatnestë dï kažočiv jonkstnëstë, kosto a maŕavit piźamo vajgeltne.
Źardo uredemas sajeztne alkuks a ťurit tortingesënt, koda kortï Moskovoś, mejś sïnest a maksït uredeme kudo malasost? Mordvań respublikańt, Penzań, Ravošoń dï Obranošoń jonkstnën pŕavtnë pelit tede kevksteme federaloń kirdivijent. Mejś? Čaŕkodevi! Uredemas sajemaś moli avoľ eś mastoroń idemas — te verbovamo.
Erźań Mastoronten a jon maksoms eś ćoratnen lijań tortinges. Ravčiren undoks raśketnen araśt interesëst, konatatnen kisë sïnst ćoratnenen eŕavoľ kuloms lija mastorso. Te a minek tortingeś!
Sročniken sajemaś teči, te kontraktoń tuvor. Oboronań ministerstvańt kodatkak garantijatnenen kemems a eŕavi.
Seks min terdťano topavtoms:
- Srokoń uredemaś ulevel anśak se regionoń territorijasońt, koso eŕaś sajeześ. Źardo sročniktne a ťurit tortingesë, kadïk uredit kudosost.
- Kardams, srokoń uredemstë, kontraktos verbovamońt dï iskuvams erva lepšťamońt komandirtnën jondo.
- Tejems panžado rejestra Mordvań respublikańt, Penzań, Ravošoń dï Obranošoń jonkstnën, set ćoratnen, konat čavoź dï polons sajeź srokoń uredemasońt dï avoľ eś melsë kontraktoń kedčelkstamodo mejle.
Pškadťano erźań, mokšoń, tataroń dï ruzoń ćoratnen teťat-avatnenen — Erźań Mastoroń teťat-avatnenen!
Iľado makso eś ejdetnen srokoń uredemas. Ćorank eŕamozo — minek mastorońt sehte pokš pitnečizë, dï kijak, mindenek baška, a idesazo sonzë te konvejerdënt, kona ušodovi povestkaso, dï pŕadovi cinken kalmolazso eli ukrainań polonsońt. Te a minek tortingeś!
Putodo tevs zakonoń luvtnën — škasoeškema, alternativen uredema, medicinań iskuvamo, juridikań lezdamo. Kortado lija teťat-avatnen marto. Vejsënďavodo idemga eś ejdetnen meltopavtomańt eŕams sede tov. Te konvejerëś nežedeź anśak minek čaťmonemańt langso.
Min venksťatano eś ejkakštnën kisë, eś modamok kisë. Iľado lezda eś ejkakšoń čavomasońt. Te a minek tortingeś! Erźań Mastorso erića erźatnen, mokšotnen, tatartnën, ruztnën langs — kijak eź kajavkšno!
Vejsë, erźat, vijevťano!
Aťań Ezemeś. Ožokovoń 17 či.
