Syreś Boläeń Inäzoroś pškadś Jaśko Elizavetaneń, Ukrainań raśkeń deputatonteń, Evropant́ Arsijkuroń Parlamentěń Assamblejasont́ (EAPA), (Parliamentary Assembly of the Council of Europe, PACE) Ukrainań delegacijań prävtonteń.

Ěś sörmasont́, Inäzoroś, ěnäldy livtems EAPAń vannmos –kortamos Rossijań Federacijasont́ finno –ugrań raśketneń meĺtopavtomań kolamotneń.

Ěś sörmasont́ Syreś Boläeń jovtni ukrainań politikenteń sede, koda Aĺbert Razin, sodaviks Udmurtija Respublikant́ naukań teveńdej, pultyze ěś pränzo. Istämo radikaĺnoj tevsě son terävtś jonstams lomatneń meĺvannomant́ udmurtoń raśkeń katastrofanteń.

Ěrzäń liderěś, ěnäldy Elizavetań Jaśko ikele «lezdams Rossijań Federacijań fino-ugrań raśketneneń, idems synst lomaneń juroń meĺtopavtomatneń». Sörmasonzo Inäzoroś terdi topavtoms:

  1. Karmavtoms meĺtopavtomań kevkstematneń dy lomaneń meĺtopavtomań EAPAń Komitetěnt́, vannoms kodat tuvtaltně karmavtyź Aĺbert Raziněń istämo tandavtycä formań protestěnteń.
  2. Monitoringent́ rezuĺtatonzo kuvalt, putoms pitne Rossijań Federacijant́ nacionaleń politikanteń, lomatneń meĺtopavtomast idemanteń, jutksost, avtohtonnoń finno –ugrań raśketneń meĺtopavtomant́ tonavtnems tiriń keĺtnesě.

«ĚRěFěń kirdivieś snartni sede bojkasto istovtoms Raziněń ěś präń pultamodont́. Sonzě politikań manifestacijaś, sonzě apak pele, rusifikacijant́ karšo stämoś, pek a večkevi Moskovonteń. Son pultyze ěś pränzo ěś raśkenteń, dy lija raśketneneńgak, lezdamga! Vese Modamastoront́ meĺvannomazo minek beränt́ tevtnes jonstamga. Mon pškadekšniń ěstněń EAPAso delegacijanteń, ansäk veńks peĺdest kodamojak araseĺ. Nej snartnän, terävtan, saems lezdamoči ukrainań raśkent́ peĺde.» – jovtni Inäzoroś Jaśko Elizavetaneń pškademadont́.

Lectäsynek, melät, kemence taštamkovoń čistěnt́, udmurtoń sodyeś (učönoeś) Aĺbert Razin pultyze ěś pränzo Ižkar ošsont́, Udmurtoń Parlamentěnt́ ikele. Vakssonzo kadovst́ transparantně, konatnesě son terdś ěś udmurtoń ětnosont́ idemanzo: «Buti vandy moń keleś jomi, mon anokan kuloms martonzo».

2019 ień jakšamkovsto Evropań Arsijkuroń viška raśkeń idemań Konsuĺtacijań Komitetěś säldokšnyze RFěnt́ sonzě nacionaleń politikanzo kisě. Ěkspertně javolävtst́ melävtomadost «ruzoń keleń kasycä dominacijadont́», dy teń pingstě «undoks raśketeneń keĺtneneń a lezdamodont́».

Sede mejle, koda V. Putin pškadś a karmavtomadont́ tiriń keĺtneneń tonavtomsto, tiriń keĺtne jomast́ školań programmatneń tevpeń (obäzateĺnoj) peĺkstněstě. Te pek melävtovtynze Rav čireń undoks raśketeneń: nevtemaks, tataroń, baškirěń, čuvašoń raśketnesě lamot terdst́ aštems keĺtneń tevpeń tonavtomań kisě. A tonavtomaś, koda syń arsit́, veti raśketeneń jomamozost!