Aštemkovoń sisemece čistěnt́ Ivańbijo ěrzäń velesěnt́ ěrzätne iĺtiź pevteme Ěrämos ine ěrzäń cörant́ – Anošoń Tumaeń. Ojmezě tuś Kargoń Kivant́, čeĺkenzě ěrzätne putyź Ěrzäń Mastoroń modas.
Ěrzäń kojsě iĺtämsto kirvaztezeĺ Ineškipazoń Štatoloś, kandolazoś veĺtäzeĺ Ěrzäń Raśkekoctso. Meeĺcede sükonämos dy meleń-valoń jovtamos sakšost́ dy iĺtiź pevteme kiv malaviksěnzě, veleń ěrzätne, Obran jonksoń dy Saran jonksoń ěrzätne. Synst jutkso – Pirguž arnevt́ Inäzoroś, Bezaev M.I. Ěrzäń Inekužoń Prevkuroń prävtoś, Kalaganoń Keräz – “Ěŕmeź” ěrzäń kersicäń vejsěndävksoń prävtoś. Lemeń kundamo val jovtazeĺ Syreś Inäzoront́ peĺde, ěrzäń vejsěndävkstněń peĺde, vese ěrzäń raśkent́ peĺde.
