Čadykovoń 29-ce čistě Boläeń Syreś Inäzoroś pškadś OONoń tribunasto

Vejsěndäź Raśkeń Organizacijanteń

Te uĺneś Undoks raśketneń kevkstematneń kuvalt sval važodicä forumont́ 21-ce sessija kona uĺneś altaź «Sval važodicä forumoń mandatsont́ teškstaź koto sferatnede kortamotneneń (ěkonomikań dy sociaĺnoj kasoma, kuĺtura, pert́peĺksěś, tonavtoma, šumbračiń vanstoma dy lomaneń meĺtopavtomatne), saeź meĺs Undoks raśketneń meĺtopavtomatnede VROń Deklaracijant́, Undoks raśketneń meĺtopavtomatnede Vese Modamastoroń konferencijant́ meĺssamonzo dy 2030-ce ień vid́s apak lotka kasomado Arsemaluvont́».

Kremläś a žalii osetiněń, burätoń, ěrzäń raśketneń. Synst peĺksěś Ukrainaso čavoźtneń jutkso «gosudarstvo obrazujučšej» raśkent́ peĺkstěnt́ sede pokš. Sehtej lamo čavoźtnede avoĺ kujav Moskov dy Piter oštněstě, a Dagestansto kosto saly kirdivieś.

Čat́monems tede a lisi. Inäzoroś stävtyze te kevkstemant́ VRO – Vejsěndäź Raśkeń Organizacijant́ (OON), sěrej tribunastont́. Pškadems lezdaś Ukrainań delegacijaś. Inäzoroś čumovtyze Moskovont́ nacionaĺnoj respublikatneń dy undoks raśketneń ěrämo tarkatneń kažočisě kirdemasont́. Od lomatneń araś lija aĺternativa dy, orgodemga tosto, syń sörmadctyt́ kontrakt ušmanvijsě dy policijaso uredemadont́.

Boläeń Syreś teškstyze teń Undoks raśketneń kevkstematneń kuvalt sval važodicä forumoń komś vasence sessijasont́: «Zärdo miń kortatano Forumoń mandattont́, Kremläś kuči ěrzätneń dy Rossijań lija undoks raśketneń istožamo Ukrainant́.

Rossija a sai meĺs undoks raśketneń meĺtopavtomatnede OONoń Deklaracijant́. Raśketneń idemado ritorikant́ son puty tevs ansäk lija mastor modatneń neĺgemstě.

Rossija umok kodamojak a federacija, son umok pekstamokudo raśketneń turtov, konasont́ vejksěce ie kirdi milliont ukrainań lomant́kak.

Rossijań okkupantně čavit́ ukrainaso ěricätneń dy teń pingstě jomavtyt́ ěś ušmantněńgak.

Rossijań undoks raśkensetnede, čavoźtneń jutkso, peĺksěś pokš avoĺ proporcijań koräs.

Undoks raśketneń peĺksěś Rossijaso ěricätneń strukturasont́ viška, a čavoźtneń peĺksěś – sede pokš. Teń nevti rossijań statistikaś dy rossijań inesodyjtne Aleksej Malašenko dy Ahmet Jarlykapov.»

Boläeń Syreś teškstyze: – «Töža ěricätneń jutksto čavoź ušmantněń kuvalt liderěks regiontněde Pelevejonoń Osetija, Burätija, Tuva, Dagestan, Ingušetija, Čukotka dy Ideĺ-Uraloń regionoś.

Boläeń Syreś čačś dy znäryja ška ěräś Mordovija Respublikasont́. Son sodaviks koda ěrzäń poět, lija keĺs jutavtycä, ěrzäń raśkeajgemań tevendej. Nej son ěri Ukrainaso. Ěś politikań tevtnen kuvalt son a velävtovi Jožoělezěnzě. 2019-ce iestěnt́ Raśkeń Ozksso, Atäń Ězemeś kočkize sonzě Inäzoroks.

Ěrzäń raśkeagemań liderěnt́ sodasyź avoĺ ansäk antiimperijań pozicijanzo kuvalt, son türi Ukrainań Ušmanvijtnesě dy veti meĺganzo ěrzäń ěś meĺsě türicä ušmantněń. Son vejkeś «Oläčiv Rav-Ural» vejsěndävksont́ jurovtycätnede. (Vejsěndävksont́ tökšmelezě stävtoms Konfederacija «Oläčiv Rav-Ural» konanteń sovit́ «Baškortostan, Tatarstan, Čuvašija, Mordovija, Marij Ěl dy Udmurtija.)

Lectävttano, Rossijań Federacijań Ukraina langs kajamoś pek ěräzkadś davolkovoń 24-ce čistěnt́. Tede mejle znäryja raśkeajgemat kepediź vajgelest tortingent́ karšo, dy terdiź raśketneń a moleme türeme Ukrainań karšo. Jutksost čečěněń, kalmykeń, burätoń, baškortoń, ěrzäń, tataroń raśketneń lomant́ dy martost znäryja Rossijań Pelevejono ěricä raśkeń lidert.