Evgenień kulomaś javolävtoź oficiaĺnojstě

Lovozero, Juškovoń garažoś

Juškov Evgenień kulomado kuläś uĺneś videčiks. Son vejkeś kavtotnede, konat palst́ garažoń požarsont́, Lovozeroso 29-ce sundeŕkovoń čistěnt́. Tede jovtneś  NRK Sápmi Norvegijań teleradiokompanijaś, konaneń kuläś pačkodś Juškovoń ninzě, Viktorijań, peĺde.

Tede baška NRK Sápmi jovtni čavomado rossijań policijań versijadont́. Sonzě kuvalt  čavomaś uĺneś arseź dy anokstaź.  Čumotevent́, koda lovi policijaś, topavtyź kavto lomant́, vejkeś ějstěst kundaź dy keršaź sindeŕs (naručniks), ombocent́ vešnit́.

Tede ikele «Oläčiv Rav-Ural» sörmadokšnoś Juškov Evgenień, sodaviks saamoń raśkeajgemań tevendeeń, Murmansk bujsě čavomadont́.

Targočistě, 29-ce sundeŕkovoń čistěnt́, kavto lomant́ uĺnest́ pultaź požarsont́. Vejkeś ějstěst Juškov Evgenij – sodaviks lija lamo keĺtnestě jutavtycä. Evgenij lamo ień pert́ važodś   Saamoń vejsěndävkssont́ (Sámerađđi). Kavto rungotneń muiź Juškovoń pultaź garažsont́, kona palś kulovs. Evgenij ěräś Norvegijaso Karaš́oke ošso zärdo tonavtneś Kautokejno kommunaso Saamoń universitetsěnt́.

«Oläčiv Rav-Uraloń» informacijanzo kuvalt, Juškov Evgenij dy jalgazo, uĺnest́ Evgenień garažsonzo, zärdo maräst́ takodat gajt́ šabra garažsont́. Vejkeś liś ušov dy sonzě lediź. Omboceś liś meĺganzo dy nejke uĺneś ledeź songak. Tede mejle ta-ki uskinze  synst rungost Juškovoń garažozonzo dy kirvastize garažont́. Ěŕva rungosont́ must́ kavtoń-kavtoń lednimt́ (pulät).

Juškov Evgenij, (45 iet́) –saami Lovozerosto, koso son čačś, kajś dy tonavtneś, tosko uŕvakś. Son uĺneś pek paro lomaneks, prevejks, čevte sedej cöraks. Soń uĺneś pek paro lija keĺstě kortamoń, sörmadomań sinhronnojstě jutavtycäks (norvegijań, pelevesaamoń, ruzoń keĺtne). Istämo specialist nej araś. Son saekšneś peĺks lamo ěŕva kodamo konferencijań, seminaroń, saamoń promksoń važodematnesě. Uĺneś lamo proektěń koordinatoroks, vasencede rossijań saamtněneń altaźtnesě. Son uĺneś a vasencetnede, ansäk sontemenzě saamoń tevendejtne teke kadovst́ ked́teme.