Šumbrat ulede, Ěrzät! Od ie marto!

«ĚRZÄŃ VAL» žurnalont́ altyt́ noldamonzo kavst́ ień pert́

Jutaś 2020-ce ieś. Ěrzätne, kezěreń škatnestě kenärdoź teškstat́ Od ień ušodomant́, pert́peĺksěń syrgozemant́, tunda.

Pingetne polavtovst́ dy teči od ień ušodomaś sodoź jakšamkovoń vasence činteń.

Te čiś minek turtov avoĺ ansäk tuvtal purnavoms vejs, tantejstě simems, jarsams dy kenärdovtoms malavikstněń kaznesě. Ień polavtomaś te ška, zärdo miń iĺtätano jutaź ient́ arsematnesě: – meze kenärdovtymiź, meze liś topavtoms karmavtomatnede, meze ězinek kenere, ěli tago meze ěź makso. Lecnetäno setneń, kit́ tust́ vaksstonok tonačiv.  Ěrzäń kojtnesě, net́ lectnematne lezdyt́ synest́ tonačisěnt́, maksyt́ synest neems koda miń ěrätano, dy, natoj, lezdamskak minenek.

Umok ěziń marse valt «Te ieś uĺneś šožda». Sval marätano «Te ieś uĺneś staka, vana sycä ieś karmi peštäź ucäskaso!». Istä pingede pinges, zärs ěrzätne kadovkšnyt́ avoĺ azorks ěś ěrämonteń. Istät valt marätano prävttněń pškadematnesě tečijak. Seks a karman lectneme kezov ormadont́, tede lectävttadyź. A lectäsě ěkonomikań lavšovgadomant́, tede prevej ěrzätne sodyt́ montemeńgak. Lectäsynek teči tevtneń, konat kastyt́ Ěrzä Raśkeń valdočinteń Kememant́. A istät tevt́ ulit́! Jutaź ieś teškstaź ěrzä raśkeń ajgemań ěräzkadomasont́. Sehtej pokš teveks uĺneś Kojluvoń kemekstmoś. Atäń Ězemeś kemekstyze «Ěrzäraśkeń kočkavicä kurotneń teemadost-važodemadost Kojluvont́».

Teči, mastortomo raśketneń jutkso, istämo kojluvoś uli ansäk krymeńtatartněń dy ěrzätneń!  Tede baška, Atäń ězemeś kemekstyze «Terminologijań – od valoń komissijant́», «Informacijań  komissijant́», kočkinze dy kemekstynze net́ kurotneń prävttněń, kočkize dy kemekstyze «Videkuront́».

Jutaź iestěnt́ Inäzoroń Sekretariatozo prädyze ěrzä-ruzoń, ruzoń-ěrzäń valksont́ langso važodemanzo. Valksoń prezentacijaś karmi jutavtoź jakšamkovoń čitnestě, ansäk bažicätneneń son muevi tečijak.

Inäzoroń sekretariatozo, Informacijań kuront́ marto,  anokstyź dy noldyź vasence ěrzä raskeń publicistikań, «Ěräń val», žurnalont. Nama, te a vese, meze uĺneś teeź Kirdijursont́. Sonzě tevdenzě vanodo nevtevkstněń kuvalt moleź.

Ansäk, jalgat, buti tede baška a uleveĺ meze jovtnems sede tov, te ieś a lovovoĺ ěrzä ojmeń kenärdycäks. A son uli istämoks. Pek lamo tevt́ tedide uĺnest́ anokstaź, ušodoź dy topavtoź ěrzätnesě, ěŕva kodat ěrzäń kurotnesě –vejsěndävkstněsě.

Raśkeś a ěri, buti sonzě araś ěś raśkeń Lectämočizě. Buti son stuvtynze setneń, konat vese ěrämost putyź ěś raśkenteń uredemanteń. Istämotnede  – Jakov Kuldurkaev maraläś. «Ěrmezeń» sörmadomań kisě kirdiveś sükonäś sonenzě komś iet́ katorgava –lageŕga kirdemaso. Tedide ěrzätne purnavst́ «Rucä» lezěpargont́ peŕka dy noldyź Jakov Kuldurkaeveń «Ěrzmezent́» se, vasence, ěś kojsě arsemasont́-variantsont́. Sede tov uĺneś jutavtoź «Ěrmezeń» lovnomań flěš-mobośkak. «Rucä lezěpargont́ miń sodasynek lija tevenzě kuvaltkak. Synst jutkso Raśkeń Ozksso ěrzäń oršamopeleń peĺkstamotne dy ěŕva ień Koveŕksěń noldamotne. 2021-ce ień koveŕksěś altaź Anatolij Räbovněń. «Rucä lezěpargont́ miń sodasynek lija tevenzě kuvaltkak. Synst jutkso Raśkeń Ozksso ěrzäń oršamopeleń peĺkstamotne dy ěŕva ień Koveŕksěń noldamotne. 2021-ce ień koveŕksěś altaź Anatolij Räbovněń.

Koda sval, jutaź iestěnt́,pek vievstě važodś «Ěrij keĺ» kuroś. Sonzě onlajn-tonavtolmaś lezdy bažicätneneń tonavtems tiriń kelenteń, vansty dy kasty tiriń kelent́.  

«Ěrij keĺ» kuront́ važodemanzo poladyze «Ravo» kuroś. Dy koda ěräzasto poladyze! Son anokstyze dy putyze Inealtymas ěrzäń keleń «Ěś präń tonavtycänt́» Sovatano dy tonavtnetäno ěrzäń kelenteń  «Ěrij keĺ» kuront́ važodemanzo poladyze «Ravo» kuroś. Dy koda ěräzasto poladyze! Son anokstyze dy putyze Inealtymas ěrzäń keleń «Ěś präń tonavtycänt́» Sovatano dy tonavtnetäno ěrzäń kelenteń. Te kursont́ anokstaź «Ravo» kuroś lamokst́ kirda lezdaś ěrzätneneń informacijaso, ějkakštněń turtov tonavtycä artovksoń noldamoso… Te kursont́ anokstaź «Ravo» kuroś lamokst́ kirda lezdaś ěrzätneneń informacijaso, ějkakštněń turtov tonavtycä artovksoń noldamoso…

Pek kenärdovtymiź jutaź iestěnt́ «Jovlań Oloń lemsě Torama» kuroś. Son avoĺ ansäk moraś! Uĺnest́ noldaź znärokst́ ěrivanmot ěrzäń morotnede dy meeĺce synst važodemant́, «Šenže» kliptent́, staka a lemdäms šedevraks!  Vantano dy kenärdtano, ěrzät!  

Nama, vesemede teči a jovtavi. Ěrzätne sede lamo karmast́ važodeme ěrzä raśkeń vanstoma tevsěnt́. Moramoso, od valmoroso,  od Ju-t́jub kanaloń teemaso, koda a lectäms tesě «ERZ» kanalont́? Noldynk čumom, večkeviks jalgat, vesemede teči jovtams škaś a saty.  Tede sodaź kasy kememaś- ěrzä raśkeś veĺmi.

Te jutaź iedent́.

Meze jovtan sycädoń?

Inäzoroś, Inäzoroń sekretariatozo, javolävty 2021-ce ient́ «Ěrzä raśkeń vejsěndämo ieks»! Te škasont́ aravtoź karmavtoma.  Terdtäno ěrzätneń nežedems sonzě ěś meĺsě, valso, važodemaso! Мезень перька вейсэндявттано?

Ěrzä lement́ peŕka. Ěrzäń vannovksont́ peŕka! Ěrzäń interestněnt́ peŕka!!!

Meze kadovś jovtams?

Šumbrači vese ěrzätneneń od iestěnt́ dy sedetovgak! Uleveĺ ucäskaś ěŕva ěrzäń kudosont́! Velävtovoĺ Inenarmuneś Ěrzä Mastorov!

Buti miń vejsěndävttano te vese topavtovi!

Ěräzo Ěrzäń Raśkeś, ulezě Ěrzäń Mastoroś!

Melenk vanoź, Syreś Inäzoroś!