Mejś veinst naćijatńe sťavtiť eś mastorť, eĺi snartńiť ťeńs, di ĺijatńe eŕiť uŕeks? Veńkseś uĺi? Mejse ťeveś?

Jožosonť. Eś pŕań pitńeń putomasonť. Eś jondo perťpeĺkseń ńeemasonť.

Erżań raśkeś jomi. Koda tataroń, baškireń, maŕiń, udmurtoń, veťkeń di mokšoń raśketńe. Kona śeďe bojkasto, kona sastińe. Teveś ďemografijasonť. Čuvaroʼn častnese, konatńese čuvaroś śeďe lamo, čuďemaś śeďe kuvať. Anšak peś jala ťeke. Čuvaroś pŕadovi. Raśkeš jomi.

Te tui meĺezenk, erźat? Kurok Raśkeń Ozksoś. Erźat, ťe avoĺ “prazdʼnik”, ťe Ozks. Iĺado jomavto škanť čavo kortamos, kišťemas di moramos! Škaś sťavti erźatńeń ikeĺe pšťiť kevksťemat:

1. Koda polavtovś Erźa-Mokšoń Mastoroś meeĺźe kolońģemeń ietʼneń kuvalt? Kodat ťevtńe ďemografijanť di suveŕeńiťetenť? Kodamo erźań keĺenť “šumbračize”? Kuĺturaś ĺekśi? Kodat ťe katastrofanť tuvtaltne?

2. Topavti Rosśijań Feďeraćijaś śeń, meźe altakšnoś? Koda son vansti Erźaʼn Raśkenť naćionaĺeʼn, poĺiťikań, kuĺturań, ekonomikań di kememań meĺtopavtomatńeń?

3. Meźe erźatńeń polavtovi, buť polavtovi vaśenće osobaś Moskovso?

4. Meźe miń karmatano ťeeme, buťi Moskovoś ušodsiďeŕaj naćionaĺeń ŕespubĺikatńeń ĺikvidaćijanť? “Mordovijaśkak” erźatńeʼneń a kadovi!

5. Meźe isťamoś erźatʼneń turtov “uĺems erźaks”?

6. Meźe eŕavi erźatńeńeń? Kodamoks siʼn ńeiť Erźa-Mokšoʼn Mastoronť?

7. Meźe eŕavi ťeems Erźa-Mokšoń Mastoroń sťavtomanťeʼn?

8. Kie a maksi mińeńek eŕams? Kie a maksi mińeʼnek sťavtoms alkuksoń Erźa-Mokšoń Mastoronť?

Kortado ńeť kevksťematńeďe eśenk jutkso. Raśkeń Ozksso. Kadik a seŕej tŕibunasto. Kuluartnese. Jalga jutkso. Źardojak iĺado istovto, Raśkeś eri buťi sonze uĺi eśenze vanovkssozo. Erźań vanovkssozo, avoĺ moskovoń. Erźań inťeŕeseze, avoĺ moskovoń! Onkstado, maksodo pitńe veśemeńťeń anśak ve jondo: ĺeze eĺi kažo kandi ťe Erźa Raśkenťeń, Erża Mastoroń sťavtomanťeʼn! Moskovoś kovgak a jomi, di ruztneńeńgak son jomams a maksi. Uĺi kiʼneń ťeďe meĺavtoms. Erźatńeńeń eŕavi meĺavtoms eś raśkenť kise.

Veśe tink Boĺaeń Siŕeś