«Ěrzä raśkeń Inetešksttěnt́, Inemorodont́» Kojluv

Ěstěń Mastor, Otäpäja oš. 2022-ce ień taštamkovoń 29-ce – ožokovoń 1-ce či

Miń, Ěrzäń Promksont́ delegattně, čaŕkodeź ěś veńkstämočint́ ěrzä raśkent́, ěrämopingent́, minek meĺga sycä ěrzätneń ikele, Atäń Ězement́ meldenzě sodaź, kemeksttano:

1. Ěrzä raśkeń Inetešksěks — inenarmuneń artovks: ěrzäń mifologijań Ineškiń teevt́ čačo — meneĺga livticä ašo loksej, Čipaeń tešks marto kopoŕsěnzě, kona ašti Ěrzä raśkeń tüsso koctońt́ langso. Inenarmuneś nevti pert́peĺksěnt́ vienzě, vedent́, modant́, koštont́-menelent́, konatne maksozt́ ěrzätneneń Ineškipazont́ peĺde. Raśkekoctoń tüsso alksoś nevti avoĺ ansäk pert́peĺksěń škinemań allegorijant́, tede baška son nevti ěrzä raśkeń sülmavksont́ ěś tiriń modatneń marto, konatnesě son čačś, teevś raśkeks, kasy sede tov. Inetešksěń tüsso artovksoś putoź Kojluvonteń.
2. Raśkeń Inemoroks — Kezěreń škań ěrzäń moront́ “Virev molän”:

Virev molän, virev molän,
Čuvto kerän, čuvto kerän,
Soka tejan.
Soka tejan, soka tejan,
Paksä sokan, paksä sokan,
Kanst́ mon vidän.
Kanst́ mon vidän, kanst́ mon vidän,
Koctke kodan, koctke kodan,
Panar vikšnän.
Panar vikšnän, panar vikšnän,
Kužov lisän, kužov lisän,
Ěrzät terdän.
Sado, ěrzät, sado, ěrzät,
Sado, jalgat, vejsěń moro
Moratano.
Vejsěń moro, vejsěń moro
Moratano, vejsě, ěrzät,
Mazyjtäno
Vejsě, ěrzät, vejsě, ěrzät,
Mazyjtäno,
Vejsě, ěrzät, vievtäno!

3. Raśkeń čaŕtävkstně: Koct, Inetešks, Inemoro putovit́ tevs ěrzäraśkeajgemasont́ Kirdijuroń tevvetämosont́, promkstněsě, ěrzäń tevtnesě, ěrzä lomaneń meĺtnesě topavtomga ěś raśkeń prezentacijanzo, kepedemga ěś raśkeń avtoritetěnzě.