Ěŕva ie, ušodoź 2016-ce iestěnt́ Ěrzäń kazema tešksěś maksnevi iezěnzě vest́, vejke lomanneń, kiń uli pokš putovksozo ěrzäń raśkeń veĺmevtemań, vanstomań, idemań tevs.
Continue reading →Ěrzäń Tökškazneń kazemadont́
Čadykovoń 29-ce čistě Boläeń Syreś Inäzoroś pškadś OONoń tribunasto
Te uĺneś Undoks raśketneń kevkstematneń kuvalt sval važodicä forumont́ 21-ce sessija kona uĺneś altaź «Sval važodicä forumoń mandatsont́ teškstaź koto sferatnede kortamotneneń (ěkonomikań dy sociaĺnoj kasoma, kuĺtura, pert́peĺksěś, tonavtoma, šumbračiń vanstoma dy lomaneń meĺtopavtomatne), saeź meĺs Undoks raśketneń meĺtopavtomatnede VROń Deklaracijant́, Undoks raśketneń meĺtopavtomatnede Vese Modamastoroń konferencijant́ meĺssamonzo dy 2030-ce ień vid́s apak lotka kasomado Arsemaluvont́».
Continue reading →Ěrzätne – Ukrainant́ raśkenzě marto!
Davolkovoń 24-ce čistěnt́ rossijań ušmovieś kajavś Ukrainant́ langs. Vana 12 čiń pert́ rossijań bombatneń dy tolnaltněń alo maštnevit́ sět́mečisě ěricä lomant́. Haŕkovso, Černigovso, Sumy ošso, Mariupoĺsě dy lija Ukrainań sět́mečiń oštněsě. Töžat ukrainań lomant́ maštozt́, töžat – kalečazt́. Ansäk sedejak pokš jangavks teevś sonś Rossijant́ marto, sonzě targavś ojmezě.
Continue reading →Inäzoroś tejś Atäń Ězems kočkamotneń ušodomado Javolävtoma
Boläeń Syreś, Inäzoroś, javolävtś Atäń Ězems kočkamotneń ušodksstont́. Teń kuvalma tevkonövoś putoź-nevteź Inäzoront́ oficialoń I-vaĺmasont́.
Continue reading →Atäń Ězems kočkamoń jutavtomado
Ěrzäraśkeń kočkavicä kurotneń teemadost-važodemadost Kojluvont́ 36, 40, 41, 42 sörmadovkstněs nežedeź javolävtan melem:
- Kočkicätneneń ušodoms kojsodyjtneń lemest jovtamoń-putomań tevent́;
- Kočkicätneneń (ěrzäń politikań partijatneneń, lomańjutkoń vejsěndävkstněneń, lezěńmaksy vejsěndävkstněneń) ěrävi 10 čiń pert́ Atäń Ězement́ vasence promksonzo ikele maksoms Inäzoronteń kojsodyjks kočkavicä lomantneń lemriśment́, konata nežedi istämo luvs: 1 kojsodyj sädo lomantnestě, konat ulit́ lomańvejsěndävksont́ ějsě, teke marto lemriśment́, konant́ ějs putoź 5 taštavksso kojsodyjks kandidattně, konat kočkavit́ vejsěndävksos sovicä lomantnesě salava ěli panžado kočkamoso;
- Kočkicätneń peĺde lemeń jovtamo kemekstaź meleś (100 lomaństě 1 kandidat kvotant́ koräs) sörmadovi protokolso, kona kemekstavi promksoń vеticänt́ ked́čeĺkssě. Protokoloń parcunoś maksovi.
- Taštavks kandidattně teevit́ kandidatoks sestě, zärdo jurovt kandidatoś sajsy mekev melenzě ulems kojsodyjs kandidatoks, ěli ulit́ a iznävicä pirävkst ulems tenzě kočkamotnesě. Taštavks kandidattně sait́ kočkamosto lisicä kandidatont́ tarkanzo rejtingezěnzě koräs nežedeź, zärdo jurovt kandidatoś panžado javolävty kočkamos amolemadonzo ěli karmit́ uleme nejavicä pirävkst tenzě kočkamotnesě uleme. Zärdo panžovi Atäń Ězemeń vasence promksozo, sestě jurovt kandidatoś teevi kojsodyeks dy sestě a merevi maksnems mandatonzo ěli meleń jovtamonzo lija lomanneń.
- Kojsodyjs kandidatoń lemeń jovtamodo protokoloń suĺtävkstně kučovit́ inealtymań pargos: inyazoro@gmail.com
Inäzoroś Syreś Boläeń
Kev oš
2022-ce ień
jakšamkovoń 8-ce či
№4/2022